من يلوم البحر

موضوع: من يلوم البحر الخميس يونيو 07, 2012 7:15 pm

من يلوم البحر لو يضحك فرح لوشاف ثغرك
واستباح الملح لعيونك وغنّـاها احتفال

ومن يلومالعطر لو إنه تريّح فوق صدرك
واختصر كل الورود وجاك في حلم السؤال

ومن يلومالريح تاخذ ف المدى خصلات شعرك
التعب فيها رضا واحلامها فيك إحتلال

حتى هذا الغيم وده ينثني ويلف خصرك
واحتفالات المطر من قبلها ألف ابتهال

لاهرجتي صرت حاير بين همسك ويّاجهرك
وكل حرفٍ تنطقينه يسبقه لون الدّلال

في منامي صرت اشوفك واستلذ بفوح عطرك
وكل حلمٍ يبتعد بك قلت له قرِّب تعال

آهـ . ياعروقي مشى في دمها مجنون سحرك
آهـ . يافتنه تراقص بين عقلي والهبال

خايف اللحظه تجينا لو نفذ صبري وصبرك
خايف الورده تجف وينتهي شاعر خيال

شاعرٍ جته القصيده غصب عن أمره وأمرك
لو مشى هـ الأرض رمضا..له تحت رمشك ظلال

نص شعري جميل جداً وخيال وألهام رائع نَسجتَ منه هذهِ الكلمات

سلمت الايادي الطيبة

أُحييك على اختيارك الرائع والمميز

تحياتي لك